ასტრონომებმა კოსმოსიდან ამოუცნობი სიგნალი მიიღეს
1608290947
Proxima Centauri-ის ვარსკვლავური სისტემიდან მეცნიერებმა ამოუცნობი სიგნალი მიიღეს. ეს მზის სისტემასთან და დედამიწასთან ყველაზე ახლოს მდებარე ვარსკვლავური სისტემაა. ინფორმაციას გამოცემა dailymail ავრცელებს.
სიგნალი Breakthrough Listen Project-ის წარმომადგენლებმა დააფიქსირეს. ისინი სპეციალური რადიოტელესკოპებით კოსმოსში უცხოპლანეტელთა ცივილიზაციების ძებნით არიან დაკავებულები.
Proxima Centauri დედამიწიდან 4,2 მზის წელიწადით არის დაშორებული. სისტემაში ორი პლანეტა შედის - ერთია იუპიტერის მსგავსი გაზის გიგანტი და მეორე - Proxima b, რომელიც უფრო ჰგავს დედამიწას.
ასტრონომები არ გამორიცხავენ, რომ სიგნალს ბუნებრივი ახსნა ჰქონდეს, თუმცა მისი დამატებითი შესწავლა იქნება აუცილებელი.
Proxima Centauri წითელი ჯუჯა ვარსკვლავების ჯგუფს ეკუთვნის. ის მზეზე 8-ჯერ მცირე ზომისაა და ბევრად ცივია.
მეცნიერები ძალზე მცირეს უწოდებენ იმის ალბათობას, რომ ამ ვარსკვლავის სისტემიდან დედამიწის მიმართულებით სიგნალი უცხოპლანეტელთა ცივილიზაციამ გამოაგზავნა.
