ბულგარეთის პრეზიდენტის ადმინისტრაციის შენობაში ჩხრეკა მიმდინარეობს
1594290222
ბულგარეთის პრეზიდენტის რუმენ რადევის ადმინისტრაციაში ჩხრეკა მიმდინარეობს. ამის შესახებ ადგილობრივი მედია იუწყება.
პრეზიდენტის ადმინისტრაციის განცხადებით, ჩხრეკას პროკურატურის, შსს-ს, მოწმეთა დაცვის ბიუროსა და სხვა უწყებების წარმომადგენლები ერთობლივად ატარებენ.
მთავარი პროკურორის ივან გეშევის განცხადებით, ჩხრეკა სისხლის სამართლის 2 საქმესთან დააკვშირებით ტარდება.
საგამოძიებო მოქმედებების შესახებ დამატებითი ინფორმაცია ამ დროისთვის უცნობია.
