აფეთქებიდან მესამე დღეს ბეირუთში საფრანგეთის პრეზიდენტი ემანუელ მაკრონი ჩავიდა. ამის შესახებ arabnews იუწყება.
საფრანგეთის ლიდერი ბეირუთის პორტის მონახულების ლიბანის პრეზიდენტსა და პრემიერ-მინისტრს შეხვდება. შეხვედრის მთავარი თემა ლიბანში პოლიტიკური და ეკონომიკური რეფორმა იქნება, რომელიც ქვეყანას კრიზისიდან გამოსვლაში უნდა დაეხმაროს.
„პრეზიდენტს სურს იმის დემონსტრირება, რომ საფრანგეთს ახსოვს თავისი როლი, რომ მას სწამს ლიბანის”, - ნათქვამია საფრანგეთის პრეზიდენტის ადმინისტრაციის განცხადებაში.
ამასთანავე, ორი ქვეყნის ლიდერები ლიბანელი ხალხის დახმარებისა და ქვეყნის განვითარების გზებს განიხილავენ.
მანამდე ბეირუთში 2 თვითმფრინავი ჩაფრინდა, რომლითაც საფრანგეთმა ლიბანს 53 მეხანძრე-მაშველი და 25 ტ სამედიცინო საშუალებების ტვირთი გაუგზავნა.
ბეირუთის პორტში ძლიერი აფეთქება 4 აგვისტოს მოხდა. პორტის საწყობში 2 750 ტ ამონიუმის ნიტრატი აფეთქდა, რომელიც ადგილზე 6 წლის განმავლობაში ინახებოდა.
შემთხვევის შედეგად 130-ზე მეტი ადამიანი დაიღუპა და 500-მდე დაშავდა. პორტმა ფუნქციონირება შეწყვიტა. ქალაქის ასეულობით ათასი მაცხოვრებელი უსახლკაროდ დარჩა.
ლიბანში ორკვირიანი საგანგებო მდგომარეობა გამოცხადდა.
განახლებული ინფორმაციით, ბეირუთში აფეთქების შედეგად ზარალი 10-15 მლრდ დოლარს შეადგენს.