ილჰამ ალიევი: საქართველომ თავის ტერიტორიაზე სომხეთისთვის იარაღი არ გაატარა
1600690670
საქართველო საკუთარი ტერიტორიით სომხეთისთვის იარაღის გადატანას არ დათანხმდა. ამის შესახებ აზერბაიჯანის ტელევიზიისთვის მიცემულ ინტერვიუში ქვეყნის პრეზიდენტმა ილჰამ ალიევმა განაცხადა. ალიევმა ამისთვის საქართველოს მადლობა გადაუხადა.
„საქართველო მოიქცა, როგორც ძალზე სანდო პარტნიორი. მან საკუთარი ტერიტორიის გავლით სომხეთისთვის იარაღის გადატანას არ დათანხმდა. ამის შემდეგ სომხეთს იარაღი საჰაერო გზით და კასპიის სახელმწიფოების ტერიტორიის გავლით მიაწოდეს“ - განაცხადა ალიევმა.
მან ასევე დაამატა, რომ უახლოეს მომავალში იგეგმება თბილისში აზერბაიჯანის საგარეო საქმეთა მინისტრის ვიზიტი.
ცნობისთვის, ივლისში, როდესაც სომხეთსა და აზერბაიჯანს შორის საზღვარზე კონფლიქტი გამწვავდა, აზერბაიჯანული გამოცემა Hakkim.az-მა დაწერა, რომ სომხეთს საქართველოს ტერიტორიის გავლით სერბეთიდან იარაღი მიეწოდება.
