ისრაელში რელიგიურ ფესტივალზე მომხდარ ჭყლეტას 40-ზე მეტი ადამიანი ემსხვერპლა
1619764035
ისრაელში რელიგიურ ფესტივალზე მომხდარ ჭყლეტას, სულ მცირე, 44 ადამიანი ემსხვერპლა, 100-ზე მეტი კი დაშავდა - ამის შესახებ ინფორმაციას BBC ავრცელებს.
შემთხვევა მერონის მთაზე მოხდა, სადაც ლაგ ბა-ომერის ფესტივალი იმართებოდა. შეზღუდვების მიუხედავად, იქ ათობით ათასი ადამიანი შეიკრიბა.
თავდაპირველად გავრცელდა ინფორმაცია, რომ უბედური შემთხვევა ნაგებობის ჩამონგრევას მოჰყვა, თუმცა მოგვიანებით ცნობილი გახდა, რომ ჭყლეტა მოხდა.
ისრაელის პრემიერ-მინისტრმა მომხდარს „მძიმე კატასტროფა“ უწოდა და გარდაცვლილთა ოჯახებს მიუსამძიმრა.
ათიათასობით მართლმადიდებელი ებრაელი ყოველწლიურად მერონში იკრიბება. ისინი კოცონს ანთებენ და რელიგიურ დღესასწაულს ცეკვით აღნიშნავენ.
