ოდესის რესტორანში სროლის შედეგად ორი პირი დაიჭრა
1600496394
ოდესაში, რესტორან „არარატში“ სროლის შედეგად ორი მამაკაცია დაჭრილი. სააგენტო „უნიანის“ ცნობით, კონფლიქტი „კავკასიელებს შორის მოხდა“.
ოდესის უშიშიროების სამსახურის ინფორმაციით, ორივე დაჭრილი დანაშაულებრივი დაჯგუფების წევრია. სროლის დროს ტყვიები გვერდით მდებარე კორპუსსაც კი მოხვდა. აღძრულია სისხლის სამართლის საქმე „ხულიგნობა ცეცხლსასროლი იარაღის გამოყენებით“.
კონფლიქტში მონაწილე პირები დაკავებულები არიან.
