ფაშინიანი ოპოზიციას მოუწოდებს, ვადამდელ საპარლამენტო არჩევნებს დათანხმდნენ
1614621385
სომხეთის პრემიერ-მინისტრი, ნიკოლ ფაშინიანი ოპოზიციას მოუწოდებს, ვადამდელ არჩევნებს დათანხმდნენ. ინფორმაციას სომხური გამოცემა armenpress ავრცელებს.
„თუ საპარლამენტო ძალებმა მიიღეს ჩვენი წინადადება ვადამდელი არჩევნების შესახებ, ჩვენ ვეთანხმებით ვადამდელ საპარლამენტო არჩევნებს, რადგან დარწმუნებულები ვართ, რომ ჩვენს ხალხს სურს სომხეთში ლეგიტიმური მთავრობის დამყარება მათი თავისუფალი ნებით”, - აღნიშნა პრემიერმა.
პრემიერ მინისტრმა დასძინა, რომ ოპოზიციამ გამოიყენა ყველა შესაძლებლობა.
„ვუშვებ, რომ ქვეყანა გადავიდეს საპარლამენტოდან ნახევრად საპრეზიდენტო მმართველობის ფორმაზე“, - განაცხადა ფაშინიანმა.
ცნობისთვის, სომხეთში 2020 წლის 10 ნოემბრის შემდეგ მთავრობის გადადგომის მოთხოვნით აქციები მიმდინარეობს. 25 თებერვალს სომხეთის პრემიერ-მინისტრმა ნიკოლ ფაშინიანმა განაცხადა, რომ ქვეყანაში სახელმწიფო გადატრიალების მცდელობას ჰქონდა ადგილი, რომელიც სომეხმა სამხედრო მაღალჩინოსნებმა მოაწყვეს.
