რუსეთის ფედერაციაში ბოლო 24 საათში კორონავირუსით ინფიცირების 6791 ახალი შემთხვევა გამოვლინდა, ხოლო კოვიდინფიცირებულთა რაოდენობამ 634 ათასს გადააჭარბა. აღნიშნულ მონაცემებს Worldometers აქვეყნებს.
ამავე მონაცემების თანახმად, ქვეყანაში გასული დღე-ღამის განმავლობაში კოვიდვირუსს 104 ადამიანი ემსხვერპლა. რუსეთში კოვიდ-19-სგან საერთო ჯამში გარდაცვლილია 9000-ზე მეტი ადამიანი. რაც შეეხება განკურნებულებს, 28 ივნისის მონაცემებით, მათი რაოდენობა 399 087-ს შეადგენს.
ცნობისთვის, კორონავირუსი პირველად ჩინეთში, უჰანის პროვინციაში 2019 წლის დეკემბერში გამოვლინდა. 21 იანვარს ჩინეთის ხელისუფლებამ დაადასტურა ინფორმაცია, რომ ვირუსი გადამდებია. კოვიდ-19-მა მოიცვა 210 ქვეყანა. ინფიცირებულია 10 მილიონზე მეტი ადამიანი. 11 მარტს ჯანდაცვის მსოფლიო ორგანიზაციამ კორონავირუსი პანდემიად გამოაცხადა.
ჯანდაცვის მსოფლიო ორგანიზაციამ 11 ქვეყანა დაასახელა, სადაც კორონავირუსი სწრაფად ვრცელდება.