შოტლანდიაში, სტოუნჰეივენის მახლობლად, სამგზავრო მატარებელი რელსებიდან გადავარდა და ცეცხლი გაუჩნდა. შემთხვევის შედეგად დაღუპულია მძღოლი და ორი მგზავრი, აგრეთვე არიან დაშავებულებიც. ამის შესახებ BBC იტყობინება.
გამოცემის თანახმად საავადმყოფოში 6 ადამიანია გადაყვანილი, თუმცა მათ სერიოზული დაზიანებები არ აქვთ.
წინასწარი შეფასებით, ინციდენტის მიზეზი ძლიერი წვიმების შედეგად განვითარებული მეწყერი გახდა.
ადგილზე სასწრაფო-სამედიცინო დახმარების 30 ჯგუფი და სამართალდამცველები არიან მობილიზებული.