სომხეთის ატომური ელექტროსადგური გააჩერეს
1621066682
სომხეთის ატომური ელექტროსადგურის მუშაობა 15 მაისიდან გაჩერდა. ამის შესახებ „არმენპრესი“ გაზეთ „რესპუბლიკა არმენიაზე“ დაყრდნობით იუწყება.
ატომური ელექტროსადგური 141 დღის განმავლობაში იქნება გაჩერებული, სომხეთის ხელისუფლება ვარაუდობს, რომ ელექტროენერგიის დეფიციტს ის საქართველოდან მიღებული ელექტროენერგიით შეავსებს, რაზეც საქართველოს ხელისუფლებასთან მოლაპარაკება უკვე მიმდინარეობს.
გაზეთი წერს, რომ მანამდე სადგურის გაჩერება, როგორც წესი 2 თვეს გრძელდებოდა, ახლა კი ის 141 დღით გააჩერეს.
ატომური ელექტროსადგურის გაჩერების მიზეზი უცნობია
