ევროპული საბჭოს პრეზიდენტი გაკვირვებული დარჩა ანკარაში მომხდარი ინციდენტით, რომლის დროსაც ურსულა ფონ დერ ლაიენს ოფიციალური შეხვედრის დროს სკამი არ გამოუყვეს.
ინფორმაციას The Guardian-ი ავრცელებს.
განცხადება ამის შესახებ ბრიუსელში გამართულ პრესკონფერენციაზე ევროკომისიის პრესსპიკერმა გააკეთა.
ურსულა ფონ დერ ლაიენმა და ევროპული საბჭოს პრეზიდენტმა, შარლ მიშელმა მოლაპარაკებები პრეზიდენტ ერდოღანთან გამართეს, თუმცა ოთახში მხოლოდ 2 სკამი იყო მომზადებული რომელიც კაცებმა დაიკავეს.
უხერხული სცენა ერდოღანთან სამსაათიანი შეხვედრის დაწყებამდე სამშაბათს გაიმართა, სადაც ევროკავშირის ლიდერების ერთ-ერთი განსახილველი საკითხი იყო ქალთა უფლებები გენდერული ძალადობის შესახებ კონვენციიდან თურქეთის გამოსვლის ფონზე.
უხერხული სიტუაციის მიუხედავად, ევროკომისიის პრეზიდენტმა კითხვების დასმას თავი აარიდა და დივანზე თურქეთის საგარეო საქმეთა მინისტრის პირისპირ დაჯდა.