უკრაინელებმა რუსების 3 სამეთაურო პუნქტს და მტრის რამდენიმე მნიშვნელოვან ობიექტს შეუტიეს - გენშტაბი
1679985265
უკრაინის შეიარაღებული ძალების გენერალური შტაბის ცნობით, უკრაინის სარაკეტო-საარტილერიო დანაყოფებმა მტრის 3 სამეთაურო პუნქტს დაარტყეს და აგრეთვე შეტევა მიიტანეს რუსი ჯარისკაცების კონცენტრაციის ადგილზე, 1 საარტილერიო ქვედანაყოფზე, საბრძოლო მასალის საცავზე, საწვავი და საპოხი მასალების საცავსა და ოკუპანტების ორ სხვა მნიშვნელოვან ობიექტზე.
„27 მარტის განმავლობაში, უკრაინის საჰაერო ძალებმა 9 საავიაციო შეტევა მიიტანეს მტრის ჯარების კონცენტრაციის ზონაზე და ერთი ავიადარტყმა განახორციელეს საზენიტო-სარაკეტო კომპლექსის მიმართულებით. ამას გარდა, უკრაინელმა მებრძოლებმა მტრის ხუთი სხვადასხვა ტიპის სადაზვერვო უპილოტო საფრენი აპარატი ჩამოაგდეს“, - ნათქვამია ინფორმაციაში.
რაც შეეხება მტრის საერთო დანაკარგებს, გენშტაბის ცნობით, მონაცემები ასეთია:
✔️პირადი შემადგენლობა - დაახლოებით 17 1730
✔️ტანკები - 3 602
✔️საბრძოლო ჯავშანტექნიკა - 6 966
✔️საარტილერიო სისტემები - 2 653
✔️მრავალჯერადი სარაკეტო სისტემები - 525
✔️საზენიტო საბრძოლო სისტემები - 277
✔️თვითმფრინავები - 305
✔️ვერტმფრენები - 291
✔️უპილოტო საფრენი აპარატის ოპერატიულ-ტაქტიკური დონე - 2 235
✔️ფრთოსანი და საკრუიზო რაკეტები - 911
✔️საბრძოლო გემები/კატარღები - 18
✔️საავტომობილო აღჭურვილობა და საწვავის ავზები - 5 502
✔️ სპეციალური აღჭურვილობა - 28 287
