ისრაელის პარლამენტმა ბენიამინ ნეთანიაჰუს ხელმძღვანელობით ახალი მთავრობა დაამტკიცა, ნეთანიაჰუ კი, ისრაელის პრემიერი მეექვსედ გახდა.
როგორც timesofisrael-ი იტყობინება, ნეთანიაჰუს ხელისუფლებაში დაბრუნებასთან დაკავშირებით ისრაელში დემონსტრაციები გაიმართა.
ადგილობრივი სამართალდამცველების თქმით, ნეთანიაჰუს დაბრუნებაზე პროტესტი დაახლოებით 3000-მა ადამიანმა გამოთქვა.
ქნესეთის საგანგებო სხდომაზე გამოსვლისას ნეთანიაჰუმ იმედი გამოთქვა, რომ ოპოზიცია პატივს სცემს ამომრჩევლის გადაწყვეტილებას და შეწყვეტს აჯანყებას არჩეული მთავრობის წინააღმდეგ.
მთელი სესიის განმავლობაში არაერთი გაფრთხილების შემდეგ 6 პარლამენტარი გააძევეს.
„არჩევნების წაგება არ არის დემოკრატიის დასასრული - ეს არის დემოკრატიის არსი“, - განაცხადა ნეთანიაჰუმ.
ასევე დაგაინტერესებთ:
✔️ ვერ ვხედავ მიზეზს პუტინთან შესახვედრად - ესტონეთის პრეზიდენტი