ერაყში, ერბილის აეროპორტზე დრონებით თავდასხმა მოხდა
1631437913
ერაყის უსაფრთხოების ძალების განცხადებით, ჩრდილოეთ ერაყში, ერბილის საერთაშორისო აეროპორტზე, რომლის მახლობლად აშშ-ის თავდაცვის ძალების ნაწილებია განლაგებული, დრონებით თავდასხმა მოხდა. ამის შესახებ ინფორმაციას „როიტერი“ ავრცელებს.
ოფიციალური უწყებების თანახმად, დრონებში ასაფეთქებელი ნივთიერება იყო ჩადებული. ამავე ცნობით, აეროპორტის მახლობლად სამი დრონი დაეცა. თვითმხილველების თქმით, ექვსი აფეთქების ხმა გაიგეს.
არსებული ინფორმაციით, მომხდარის შედეგად მსხვერპლი არ არის.
ინფორმაციისთვის, ერბილის აეროპორტზე გასული წლის განმავლობაში თავდასხმა რამდენჯერმე განხორციელდა, მათ შორის ასაფეთქებელი ნივთიერებებით დატვირთული თვითმფრინავებით.
ამერიკული ძალები ერაყში საერთაშორისო სამხედრო კოალიციას ხელმძღვანელობენ, რომელიც ერაყს სუნიტური ექსტრემისტული ჯგუფის, ისლამური სახელმწიფოს ნარჩენებთან ბრძოლაში ეხმარება. კოალიციას აფეთქება არ გაუკეთებია კომენტარი შაბათის ინციდენტზე.
