ირანის უზენაესმა ლიდერმა აიათოლა ალი ხამენეიმ აუკრძალა მთავრობას კორონავირუსის ახალი ვაქცინების იმპორტი აშშ-დან და ბრიტანეთიდან. ინფორმაციას „REUTERS“-ი ავრცელებს
„აკრძალულია აშშ და ბრიტანეთის ვაქცინების იმპორტი ქვეყანაში. მე ეს ვუთხარი ოფიციალურ პირებს და ახლა საჯაროდ ვამბობ,“- თქვა ხამენეიმ პირდაპირ ეთერში სატელევიზიო გამოსვლისას.
„თუ ამერიკელებს ვაქცინის წარმოება შეეძლოთ, მათ კორონავირუსის ასეთი ფიასკო არ ექნებოდათ საკუთარ ქვეყანაში“, - თქვა მან.
ირანში კორონავირუსის - 1 268 263 შემთხვევა დაფიქსირდა, მათგან გარდაიცვალა 55 933.