უცხოეთი

ირანის საგარეო საქმეთა მინისტრი: ტრამპი მიდის, ჩვენ კი ვრჩებით

ირანის საგარეო საქმეთა მინისტრი
1604904364
დაკოპირებულია

„ტრამპი მიდის, ჩვენ და ჩვენი მეზობლები კი ვრჩებით“. ამის შესახებ ირანის საგარეო საქმეთა მინისტრმა ჯავად ზარიფმა „ტვიტერში“ დაწერა. „ჩვენ გვსურს მეზობლებთან ურთიერთობები დავალაგოთ, რეგიონში და ჩვენს ქვეყნებში საერთო ინტერესების მისაღწევად,“ - წერს ზარიფი.

მანამდე აშშ-ში ჩატარებული საპრეზიდენტო არჩევნების შედეგებზე ირანის უმაღლესმა ლიდერმა ალი ჰამენეიმ კომენტარი გააკეთა და მას „ლიბერალური დემოკრატიის მახინჯი სახე“ უწოდა. ამის საპასუხოდ აშშ-ის სახელმწიფო მდივანმა მაიკ პომპეომ განაცხადა, რომ ირანის არჩევნებში უამრავი კანდიდატი საერთოდ ვერ მონაწილეობს.

ამერიკის შეერთებულ შტატებში საპრეზიდენტო არჩევნები 3 ნოემბერს გაიმართა. წინასწარი ინფორმაცით, არჩევნებში „დემოკრატიული პარტიის“ საპრეზიდენტო კანდიდატმა ჯო ბაიდენმა გაიმარჯვა.