მექსიკაში ნავთობპლატფორმაზე გაჩენილ ხანძარს 5 ადამიანი ემსხვერპლა
1629751713
მექსიკის სამხრეთ ყურეში მდებარე ოფშორულ პლატფორმაზე გაჩენილ ხანძარს 5 ადამიანის სიცოცხლე ემსხვერპლა, - ამის შესახებ „როიტერი“ იუწყება.
ხანძარი კომპანია „პემექსის“ პლატფორმაზე გაჩნდა. ხანძარი გაჩნდა მას შემდეგ, რაც ეკიპაჟები ასრულებდნენ ტექნიკურ მომსახურებას პლატფორმაზე.
გამოცემის ცნობით, ხანძრის შედეგად 6 მუშა დაშავდა, 2 დაკარგული მუშის ძებნა გრძელდება.
„პლატფორმა არ ფუნქციონირებს, დღეში დაახლოებით 421,000 ბარელი ნავთობი იკარგება. ამჟამად პლატფორმაზე გაზისა და ნავთობის მოპოვების სამუშაოები შეჩერებულია“ - აცხადებს „პემექსის“ აღმასრულებელი დირექტორი ოქტავიო რომერო.
კომპანიის ცნობით, ხანძრის გამომწვევი მიზეზის დასადგენად გამოძიება დაწყებულია.
