პუტინის თქმით, ნეონაციზმის იდეები ყველგან არის, მაგრამ უკრაინის გარდა, არც ერთი ქვეყანა არ ამაღლებს მას ეროვნულ დონეზე
1664980661
რუსმა დიქტატორმა ვლადიმერ პუტინმა უკრაინას უწოდა ქვეყანა, სადაც ნეონაციზმის იდეები ეროვნულ დონეზე ამაღლდა და განაცხადა, რომ ის პატივს სცემს უკრაინელ ხალხს და კულტურას. ამის შესახებ Unian-ი წერს.
პუტინმა თავის გამოსვლაში მხარი დაუჭირა რუსული პროპაგანდის მითს „უკრაინაში ნაცისტების“ შესახებ.
მისი თქმით, ნეონაციზმის იდეები ყველგან არის, მაგრამ უკრაინის გარდა, არც ერთი ქვეყანა არ ამაღლებს მას ეროვნულ დონეზე.
ამავე დროს, მისი თქმით, რუსეთი უკრაინელ ხალხს პატივისცემით ეპყრობა.
„დიდ პატივს ვცემთ უკრაინელ ხალხს და უკრაინულ კულტურას, უკრაინულ ენას, ლიტერატურას და ა.შ. ჩვენ სხვა გზას მივყვებით: ყველაფერს უკრაინულს პატივისცემით მოვექცევით“, - აღნიშნა კრემლის ლიდერმა.
პუტინი ე.წ. რეფერენდუმების თემასაც შეეხო, რომელიც რუსებმა უკრაინის 4 რეგიონის დროებით ოკუპირებულ ტერიტორიაზე მოაწყვეს.
მან ასევე ცრუ დაპირებები გასცა რუსეთის ფედერაციის მიერ „ანექსირებული“ უკრაინის ქალაქების აღდგენაში დახმარების შესახებ.
უკრაინის გენოციდი: რა უნდა ვიცოდეთ 👇
2022 წლის 24 თებერვალს რუსეთის მიერ უკრაინაში შეჭრის შემდეგ რუსებმა უკრაინაში მრავალი სამხედრო დანაშაული ჩაიდინეს. უფრო კონკრეტრულად კი, ოკუპანტებმა მასობრივი სისასტიკე ჩაიდინეს, კერძოდ, ბუჩაში, ირპინში, ბოროდიანკაში, გოსტომელში (კიევის რეგიონი). გააუპატიურეს და მოკლეს ქალები, ბავშვები, წამებით მოკლეს მშვიდობიანი მოქალაქეები.
14 აპრილს უკრაინის უმაღლესმა რადამ უკრაინელი ხალხის გენოციდად აღიარა რუსეთის ფედერაციის მიერ უკრაინის წინააღმდეგ შეიარაღებული აგრესიის ბოლო ფაზის დროს ჩადენილი სამხედრო დანაშაულები.
27 თებერვალს უკრაინის პრეზიდენტმა ვოლოდიმირ ზელენსკიმ განაცხადა, რომ უკრაინამ ოფიციალურად შეიტანა სარჩელი რუსეთის ფედერაციის წინააღმდეგ გაეროს მართლმსაჯულების საერთაშორისო სასამართლოში.
უკრაინის გენერალურმა პროკურორმა ანდრეი კოსტინმა აღნიშნა, რომ ძნელი იქნება გენოციდის საქმეზე რუსეთის პრეზიდენტის ვლადიმერ პუტინის პასუხისგებაში მიცემა.
