თურქეთში კორონავირუსის გამო საჯარო ადგილებში მოწევა იკრძალება
1605164409
თურქეთში კორონავირუსით ინფიცირების შემთხვევების სწრაფი ზრდის გამო, საზოგადოებრივ ადგილებში მოწევა იკრძალება. ამის შესახებ განცხადება ქვეყნის შინაგან საქმეთა სამინისტროში გაკეთდა.
განცხადების თანახმად, მოწევის აკრძალვის მიზანი საზოგადოებრივ სივრცეებში ნიღბების ტარების წესის დაცვის უზრუნველყოფაა.
„2020 წლის 12 ნოემბრიდან ნიღბების მუდმივად და სწორად ტარების უზრუნველსაყოფად, დაწესდება მოწევის აკრძალვა იმ ადგილებსა და სივრცეებში, როგორიცაა ქუჩები და გამზირები, სადაც მოქალაქეები იკრიბებიან ან შეიძლება იქ იყვნენ შეკრებილი, ასევე საზოგადოებრივი ტრანსპორტის გაჩერებებზე”, - ნათქვამია განცხადებაში.
მანამდე ჯანდაცვის მინისტრმა ფაჰრეთინ კოჯამ მოუწოდა მოქალაქეებს სრულად დაიცვან ნიღბების ტარებისა და სოციალური დისტანცირების წესები.
„მე უბრალოდ გთხოვთ, გააკეთოთ ის, რაც შეგიძლიათ. მეტი არაფერი ”, - წერს ფაჰრეთინ კოჯა Twitter- ზე.
👉ინფორმაციისთვის, თურქეთში კორონავირუსის ყოველდღიური შემთხვევების რიცხვი ბოლო პერიოდში საგრძნობლად იმატებს. 11 ნოემბერს ქვეყანაში კორონავირუსის 2 693 ახალი შემთხვევა დაფიქსირდა.
👉კვირის დასაწყისში ზოგიერთ პროვინციაში, მათ შორის დედაქალაქ ანკარასა და სტამბოლში, ხანდაზმულთა ნაწილობრივი იზოლაცია შემოიღეს და 65 წელს გადაცილებულ მოქალაქეებს 10:00 საათიდან 16:00 საათამდე გადაადგილება აეკრძალათ.
👉თურქეთში, ამ დროისთვის, კორონავრიუსის 402 053 შემთხვევაა დადასტურებული. გარდაცვლილია 11 145 ადამიანი.
