აჭარაში 130 პირიდან კორონავირუსი მხოლოდ 1-ს დაუდასტურდა
1588058210
"დასრულდა 130 კვლევის ნიმუში, საიდანაც მხოლოდ 1 პოზიტივი დაგვემატა. დადასტურებული შემთხვევა საკარანტინო სივრციდანაა, ის თურქეთიდან არის შემოსული. იგი ცხელების ცენტრში გადაიყვანეს, სადაც მას კორონავირუსი დაუდასტურდა",-ამის შესახებ აჭარის ჯანდაცვის მინისტრის მოადგილემ ნინო ნიჟარაძემ განაცხადა.
როგორც მან აღნიშნა, ქობულეთის კლასტერში ინფიცირების ახალი შემთხვევები ამ დროისთვის არ დასტურდება. მიმდინარეობს აღნიშნული კლასტერიდან ინფიცირებულების კონტაქტების კვლევა, რომელთა რიცხვი 500-ს აჭარბებს.
მისი თქმით, კლინიკა "მედალფაში" კორონავირუსის დიაგნოზით 43 პაციენტი მკურნალობს. აჭარაში სულ გამოჯანმრთელებულია 20 პაციენტი. აჭარის საკარანტინო სივრცეებში 1 300 ადამიანი რჩება.
