ბათუმში გამოკვლეულ 10 პირს კორონავირუსი არ დაუდასტურდა
1587452095
"დღეს დილას მოვიდა 10 ნიმუშის პასუხი და ყველა მათგანი უარყოფითია. შესაბამისად, ახალი შემთხვევა არ დაგვმატებია. "მედალფაში" ამჟამად დადასტურებული დიაგნოზით 35 პაციენტი მკურნალობს. მათგან 34 ქობულეთის კლასტერს უკავშირდება",- ამის შესახებ აჭარის ჯანდაცვის მინისტრის მოადგილემ ნინი ნიჟარაძემ განაცხადა.
მისი თქმით, კლინიკაში 13 პაციენტია განკურნებული. მიმდინარეობს ქობულეთის კლასტერში ინფიცირებული პირების კონტაქტების დაგენა, რომელთა რიცხვი უკვე 500-ს აჭარბებს.
"ამ ეტაპისთვის უკონტროლო შემთხვევა არ გვქონია. ვართ სიმშვიდის ფაზაში. თუმცა, ეს იმას არ ნიშნავს, რომ ეს ტეტნდენცია შეიძლება შენარჩუნდეს. მომდევნო ორი კვირა იქნება პრობლემური, რადგან რეგიონებში თავშეყრას ჰქონდა ადგილი",- აღნიშნა ნინი ნიჟარაძემ.
საქართველოში კორონავირუსის 408 შემთხვევაა დადასტურებული. გამოჯანმრთელებულია 95 და გარადცვლილია 4 პაციენტი.
