„დადებითი ეფექტი ამ ეტაპზე კლინიკურ პარამეტრებში აღარ გაგვაჩნია“- რატიანი 27 წლის ექთნის მდგომარეობის შესახებ
1616138480
„პაციენტის მდგომარეობა არის კრიტიკული“,- ასე აღწერს პირველი საუნივერსიტეტო კლინიკის ხელმძღვანელი, ლევან რატიანი ახალციხეში ვაქცინაციის შემდგომ ახალგაზრდა ექთნის ჯანმრთელობის მდგომარეობას.
ლევან რატიანის თქმით, პაციენტს უტარდება პროტოკოლით განსაზღვრული ყველა ღონისძიება, მაგრამ კლინიკურ პარამეტრებში ამ ეტაპისთვის დადებითი მაჩვენებელი არ აღინიშნება.
„კლინიკურად სახეზეა გულის გაჩერების წარმატებული აღდგენა. აღნიშნული მდგომარეობა, როგორც ანამნეზიდან ირკვევა, გამოწვეულია, სავარაუდოდ, ანაფილაქსიური შოკის არსებობით.
გრძელდება პროტოკოლით გათვალისწინებული ყველა ღონისძიება, მაგრამ მინდა გითხრათ, რომ დადებითი ეფექტი ამ ეტაპზე კლინიკურ პარამეტრებში აღარ გაგვაჩნია. ნებისმიერ დროს შესაძლებელია, ჩვენდა სამწუხაროდ, დასრულდეს კვლავ გულის გაჩერებით“,- განაცხადა ექიმმა რეანიმატოლოგმა.
