დღეს, 15 ოქტომბერს პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე განაცხადა, რომ არსებული ეპიდვითარებიდან გამომდინარე გარკვეული შეზღუდვები დაწესდება.
„ხვალიდან, 16 ოქტომბრიდან თბილისსა და იმერეთში რესტორნებისა და ყველა გასართობი დაწესებულების მუშაობა შეიზღუდება 22:00 საათიდან“, - აღნიშნა გიორგი გახარიამ.
მისი თქმით, ეს გადაწყვეტილება ვირუსის გავრცელების სისწრაფეს შეანელებს, მაგრამ ეს არ არის საკმარისი.
შეგახსენებთ, დღეს საქართველოში კორონავირუსის 919 ახალი შემთხვევა დადასტურდა.