სრულად აცრილებს კორონავირუსით ინფიცირების სამჯერ ნაკლები შანსი აქვთ, ვიდრე აუცრელებს - კვლევა
1628069705
React-1 კვლევის თანახმად, სრულად აცრილ პირებს კორონავირუსზე ტესტის დადებითი პასუხის მიღების შანსი სამჯერ უფრო ნაკლები აქვთ, ვიდრე აუცრელ პირებს. კვლევის შესახებ ინფორმაციას „გარდიანი“ აქვეყნებს.
კვლევა ლონდონის კოლეჯმა ჩაატარა, რომელშიც მეცნიერები მონაწილეობდნენ. კვლევა ემყარება ნაცხის ტესტებს 100,000 ადამიანის 24 ივნისიდან 12 ივლისის ჩათვლით.
კვლევის თანახმად, ადამიანების 0,63% დაინფიცირდა, ანუ ერთი 158 ადამიანიდან.
ინფექციების რაოდენობა მსგავსია იმ მაჩვენებლებისა რომელიც იყო 2020 წლის ოქტომბრის დასაწყისში და 2021 წლის იანვრის ბოლოს. ინფექციების რაოდენობა ორმაგდება ყოველ 25 დღეში R რიცხვით 1.19. R რიცხვი უფრო დაბალი იყო, ვიდრე წინა რაუნდის დროს (1.44) და კვლევის შუალედური ანგარიში გამოქვეყნების მომენტში 8 ივლისს (1.87). ეს მეტყველებს იმაზე, რომ ზრდის ტემპი შენელდა სასწავლო პერიოდის დასრულებისას.
PCR ტესტის შედეგების კვლევის ანალიზმა ასევე აჩვენა, რომ სრულად აცრილ ადამიანებს შეიძლება ჰქონდეთ ნაკლები ალბათობა ვიდრე აუცრელ ადამიანებს გადასცენ ვირუსი სხვებს, ვინაიდან ვირუსული დატვირთვა მცირეა.
„ეს დასკვნები ადასტურებს ჩვენს წინა მონაცემებს, რომლებიც აჩვენებს, რომ ვაქცინის ორივე დოზა იძლევა კარგ დაცვას ინფიცირებისგან. ამასთან, ჩვენ ასევე შეგვიძლია დავინახოთ, რომ ჯერ კიდევ არსებობს ინფექციის რისკი, რადგან არცერთი ვაქცინა არ არის 100% ეფექტური და ჩვენ ვიცით, რომ ზოგიერთი სრულად აცრილი ადამიანი მაინც შეიძლება დაავადდეს ვირუსით.
ასე რომ, შეზღუდვების შემსუბუქების მიუხედავად, ჩვენ მაინც უნდა ვიმოქმედოთ სიფრთხილით, რათა დავეხმაროთ ერთმანეთს და შევაკავოთ ინფექციების მაჩვენებელი“, - აცხადებს კვლევითი პროგრამის დირექტორი, პროფესორი პოლ ელიოტი.
REACT კვლევის ამ უახლესი რაუნდისთვის 98,233 ადამიანმა თავისით აიღო ნაცხი სახლში და მათი ნიმუშები გაანალიზდა PCR ტესტირებით. აქედან 527 დადებითი იყო, რაც საერთო პრევალენტობას 0.63%-ს აძლევდა. აქედან 254 წარმატებით იქნა გაანალიზებული ლაბორატორიაში მათი წარმოშობის დასადგენად, და 100% შემთხვევებისა იყო დელტას ვარიანტი. წინა რაუნდში, ეს მაჩვენებელი 80% -ზე ნაკლები იყო დელტასთვის და დანარჩენი ალფა შტამზე მოდიოდა.
აუცრელ ადამიანებში ინფექციის პრევალენტობა სამჯერ უფრო მაღალი იყო ორჯერადად აცრილს ადამიანებთან შედარებით 1.21% და 0.40% . თუმცა ორივე მათგანის ეს მაჩვენებელი ხუთჯერ უფრო მაღალია ვიდრე წინა რაუნდის დროს ჩატარებულ კვლევებში (0,24%, 0,07%, შესაბამისად). ამ მონაცემებზე დაყრდნობით, მკვლევარებმა დაადგინეს, რომ სრულად აცრილ ადამიანებს ამ ტესტირების რაუნდში ჰქონდათ დაახლოებით 50% -დან 60% -მდე ნაკლები რისკი დაინფიცირდნენ, მათ შორის ასიმპტომური ინფექციით, აუცრელ ადამიანებთან შედარებით.
გარდა ამისა, ორმაგად აცრილი ადამიანები აუცრელებთან შედარებით უფრო ნაკლებად ინფიცირდებოდნენ COVID19-ით დაავადებულ ადამიანთან კონტაქტის შემდგომ (3.84% vs 7.23%).
აგრეთვე წაიკითხეთ: 👇
👉 კვლევა: „სინოფარმის“ ვაქცინა დელტა შტამის მიმართ ეფექტიანია
👉 კვლევა: „ფაიზერის“ ვაქცინის შემთხვევაში 8-კვირიანი ინტერვალი ყველაზე ეფექტიანია
👉 კვლევა: კორონავირუსი ნეგატიურ გავლენას ახდეს ადამიანის ინტელექტის დონეზე
👉 საჭირო იქნება თუ არა ვაქცინის გამაძლიერებელი დოზები? - „ასტრაზენეკას“ დირექტორის განმარტება
