ოკუპირებულ აფხაზეთში კოვიდინფიცირების 65 ახალი შემთხვევა დადასტურდა
1605804537
ოკუპირებულ აფხაზეთში კორონავირუსზე ტესტირება 256 ადამიანს ჩაუტარდა, მათგან კი 65 პირს კოვიდინფექცია დაუდასტურდა. აღნიშნულ ინფორმაციას გამოცემა sputnik-abkhazia ავრცელებს.
ამასთან, ე.წ. ოპერატიული შტაბის ინფორმაციით, გუდაუთის ცენტრალურ საავადმყოფოში კოვიდინფექციით 2 ადამიანი გარდაიცვალა. კლინიკაში 74 კოვიდინფიცირებული პაციენტია მოთავსებული, მათგან 22-ის მდგომარეობა მძიმეა.
ოკუპირებულ რეგიონში კორონავირუსის ლაბორატორიულად დადასტურებულ შემთხვევათა რაოდენობა 5278-ს შეადგენს, გამოჯანმრთელებულია 3608, ხოლო სულ გარდაცვლილია 67 პირი.
ინფორმაციისთვის, საქართველოში კორონავირუსით ინფიცირების პირველი შემთხვევა 26 თებერვალს დადასტურდა. ქვეყანაში სულ გამოვლენილია 93 092 შემთხვევა.
აგრეთვე წაიკითხეთ:
👉 თენგიზ ცერცვაძის ჯანმრთელობის მდგომარეობა დამძიმდა
👉 ზოიძე ეპიდვითარებაზე: ისეთი გამოწვევაა, რომელსაც ყველას პასუხისმგებლობის გაზიარება სჭირდება
