რა შემთხვევაში გადის სასწრაფო დახმარების ბრიგადა გამოძახებაზე - ჯანდაცვის სამინისტროს ინფორმაცია
1605522512
ჯანდაცვის სმინისტრო აქვეყნებს დოკუმენტს, სადაც აღნიშნულია თუ რა შემთხვევაში გადის სასწრაფო დახმარების ბრიგადა გამოძახებაზე.
არსებული დოკუმენტის საფუძველზე, სასწრაფო გადაუდებელი დახმარების ბრიგადა შემთხვევაზე გადის თუ:
🔴 პაციენტს აღენიშნება ტემპერატურა 38,8 ან მეტი და რომელიმე, ჩამოთვლილ ჩივილთაგან ერთ-ერთი:
➖ ხველა, ყელის ტკივილი, თავის ტკივილი, გამონადენი ცხვირიდან/ცხვირის გაჭედილობა, კუნთების, სახსრების ტკივილი და დიარეა.
და ამასთან, პაციენტი მიეკუთვნება ქვემოთ ჩამოთვლილი რისკის ჯგუფიდან რომელიმეს:
- 65 წელი და მეტი
- ორსული
- მშობიარობის შემდგომი პერიოდი 2 კვირა
- თანმხლები ქრონიკული მდგომარეობები: ჰიპერტენზია, შაქრიანი დიაბეტი, გულის კორონარული დაავადება, გულის უკმარისობა, ფილტვის ქრონიკული ობსტრუქციული დაავადება, ბრონქული ასთმა, იმუნოსუპრესიული მდგომარეობები (ქიმიოთერაპიაზე მყოფი ან 30 დღის უკან დასრულებული ქიმიოთერაპიის კურსი, აივ-ინფიცირებული), დიალიზზე მყოფი პირი.
🔴 თუ ტემპერატურასთან (არ აქვს მნიშვნელობა ტემპერატურის ოდენობას) ერთად გამოხატულია ქვემოთ ჩამოთვლილი გართულებებიდან ერთ-ერთი:
- მრავალჯერადი ღებინება (ორი და მეტი)
- დაბინდული ცნობიერება (მივარდნილია)
- ქოშინი მოსვენებულ მდგომარეობაში (ფიზიკური აქტივობის გარეშე)
- კრუნჩხვა
🔴 თუ გამოძახება ხდება ქუჩაში/დაწესებულებაში.
🔴თუ პაციენტი არის უცხოენოვანი.
🔴თუ პაციენტი არის 5 წლის ან ნაკლები ასაკის მქონე პირი.
🔊 რა დროს გადაეცემა შემთხვევა/გამოძახება ოჯახის ექიმს?
ა) თუ პაციენტს აღენიშნება ტემპერატურა 38,8-ზე ნაკლები და რომელიმე, ჩამოთვლილ ჩივილთაგან ერთ-ერთი: ხველა, ყელის ტკივილი, თავის ტკივილი, გამონადენი ცხვირიდან/ცხვირის გაჭედილობა, კუნთების, სახსრების ტკივილი და დიარეა - მიუხედავად იმისა, რომ პაციენტი მიეკუთვნება ქვემოთ ჩამოთვლილი რისკის ჯგუფიდან რომელიმეს:
- 65 წელი და მეტი
- ორსული
- მშობიარობის შემდგომი პერიოდი 2 კვირა
- თანმხლები ქრონიკული მდგომარეობები: ჰიპერტენზია, შაქრიანი დიაბეტი, გულის კორონარული დაავადება, გულის უკმარისობა, ფილტვის ქრონიკული ობსტრუქციული დაავადება, ბრონქული ასთმა, იმუნოსუპრესიული მდგომარეობები (ქიმიოთერაპიაზე მყოფი ან 30 დღის უკან დასრულებული ქიმიოთერაპიის კურსი, აივ-ინფიცირებული), დიალიზზე მყოფი პირი.
ბ) თუ პაციენტს:
- აღენიშნება ტემპერატურა (არ აქვს მნიშვნელობა ტემპერატურის ოდენობას) და აქვს ხველა, ყელის ტკივილი, თავის ტკივილი, გამონადენი ცხვირიდან/ცხვირის გაჭედილობა, კუნთების, სახსრების ტკივილი და დიარეა.
ან
- აქვს ხველა, ყელის ტკივილი, თავის ტკივილი, გამონადენი ცხვირიდან/ცხვირის გაჭედილობა, კუნთების, სახსრების ტკივილი და დიარეა.
ან
- აღენიშნება მხოლოდ ტემპერატურა (არ აქვს მნიშვნელობა ტემპერატურის ოდენობას), არა აქვს გულმკერდის არეში ტკივილი, მუცლის ტკივილი, ჭვალი და ა.შ.
ამასთან, პაციენტი არ მიეკუთვნება რისკის ჯგუფს და არ აღენიშნება ქვემოთ ჩამოთვლილი გართულებებიდან რომელიმე:
- მრავალჯერადი ღებინება (ორი და მეტი)
- დაბინდული ცნობიერება (მივარდნილია)
- ქოშინი მოსვენებულ მდგომარეობაში (ფიზიკური აქტივობის
- კრუნჩხვა
გ) როდესაც მოქალაქე ითხოვს მხოლოდ ოჯახის ექიმის კონსულტაციას, აღენიშნება მხოლოდ ვირუსისთვის დამახასიათებელი სიმპტომები. ოჯახის ექიმთან არ ხდება შემთხვევის გადამისამართება, თუ მოქალაქეს აღენიშნება გულთან დაკავშირებული პრობლემები, მუცლის ტკივილი, ჭვალი და ა.შ.
ზემოთ აღნიშნული ინფორმაცია მოცემულია ჯანდაცვის სამინისტროს მიერ გამოქვეყნებულ COVID 19-ის სასწრაფო გადაუდებელი შემთხვევების მართვის ინსტრუქციაში.
📌 ამჟამად ქვეყანაში კორონავირუსის 82 835 შემთხვევაა დადასტურებული, აქედან 65 291 პაციენტი განიკურნა, 733 კი გარდაიცვალა.
აგრეთვე, დაგაინტერესებთ:
