ალეკო ელისაშვილი: ბოკერიას და უგულავას მანდატებს უნდა გადაყვეს ყველაფერი?

მისი თქმით, ახლა ქვეყნისთვის ყველაზე მნიშვნელოვანი ეკონომიკური საკითხები, მათ შორის დენის ტარიფის ზრდაა.

„ახლა პარლამენტში უნდა ვლაპარაკობდეთ დენის ტარიფის ზრდაზე. გვემხობა ეს ქვეყანა თავზე და ვღატაკდებით. მართლა ბოკერიას და უგულავას მანდატს უნდა გადაყვეს ყველაფერი ოპოზიციაში? ხაზარაძემ ძალიან სწორი რაღაც თქვა 2022 წელს რიგგარეშე არჩევნებისთვის მზაობის შესახებ. იყოს ეს ფორმულა და თვითმმართველობის არჩევნებზე მოვუგოთ „ქართულ ოცნებას“. 48%-ზე მეტი თუ ვერ წავართვით, მაშინ რაღა გვინდა? გვინდა, რომ ხვალვე წავიდეს ივანიშვილი და ჩვენ მოვიდეთ ხელისუფლებაში?“, - აღნიშნა ალეკო ელისაშვილმა.

როგორც მან განმარტა ოპოზიციაში „მოქალაქეების“ მოსაზრებას თანამოაზრეები ჰყავს.

👉 ინფორმაციისთვის, ოპოზიციური პარტიები საპარლამენტო არჩევნების შედეგებს არ აღიარებენ და საპარლამენტო მანდატების გამოყენებაზე უარს აცხადებენ.

👉 ჯერჯერობით უცნობია, დარჩება თუ არა ერთპარტიული საქართველოს მე-10 მოწვევის პარლამენტი.

აგრეთვე წაიკითხეთ:

👉 იაგო ხვიჩია: შეგვიძლია, რომ ადგილობრივი თვითმმართველობის არჩევნები რაღაც ტიპის პლებისციტად ვაქციოთ

👉 ირაკლი კობახიძე: ოპოზიციას ორი გზა აქვს, ცუდი-შემოსვლა და უარესი-არშემოსვლა

👉 მამუკა მდინარაძე: არანაირი რიგგარეშე არჩევნები არ იქნება