ირაკლი ქადაგიშვილი უკრაინის ელჩს შეხვდა
1611140587
საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი უკრაინის საგანგებო და სრულუფლებიან ელჩს, იგორ დოლჰოვს შეხვდა.
შეხვედრაზე ორმხრივი ურთიერთობების შესახებ ისაუბრეს და თანამშრომლობის პერსპექტიული მიმართულებები განიხილეს. ხაზი გაესვა საპარლამენტთაშორისო კავშირების კიდევ უფრო გაღრმავების აუცილებლობას. ამ კონტექსტში, ელჩმა სურვილი გამოთქვა, იხილოს ირაკლი ქადაგიშვილი უკრაინა-საქართველოს საპარლამენტო მეგობრობის ჯგუფის წევრად. ინფორმაციას საქართველოს პარლამენტის პრესსამსახურის წარმომადგენელი ავრცელებს.
შეხვედრაზე, ასევე, საქართველოს პარლამენტის დღის წესრიგსა და მიმდინარე პოლიტიკურ პროცესებზე ისაუბრეს.
„ელჩს გავაცანით ჩვენი ხედვა - ის, რომ აბსოლუტურად ღია და მოწადინებული ვართ იმისთვის, რომ მოლაპარაკების პროცესი იქნება თუ სხვა ჩვენგან გადადგმული ნაბიჯები, მიმართული იყოს იმისკენ, რომ პარლამენტში შემოვიდნენ ხალხის მიერ არჩეული დეპუტატები და დაიწყონ საპარალამენტო მუშაობა, მით უმეტეს, რომ ჩვენი ყველა პარტნიორი ქვეყანა და მათ შორის უკვე ევროსაბჭო საპარლამენტო ასამბლეა და სხვა ჩვენთვის მნიშვნელოვანი საერთაშორისო ორგანიზაციები მათ პირდაპირ, ღიად მოუწოდებენ, რომ პოლიტიკური ცხოვრება გააგრძელონ საპარლამენტო მოღვაწეობით“,- განაცხადა შეხვედრის დასრულების შემდეგ ირაკლი ქადაგიშვილმა.
იხილეთ აგრეთვე:
✔️„ჩვენი მუშაობის ხარისხი უნდა გავაასმაგოთ“ - კახა კალაძე
✔️სახალხო დამცველი: ე.წ. კრიმინალური სუბკულტურის გავლენით პატიმრები ჩვენს თანამშრომლებს ემუქრებიან
