პოლიტიკა

„ქუჩა პოლიტიკოსებისგან დაიცლება“ - ვახტანგ ძაბირაძე ახალ საარჩევნო მოდელზე

პოლიტოლოგი ვახტანგ ძაბირაძე
11:48 29.06
დაკოპირებულია

პოლიტოლოგი ვახტანგ ძაბირაძე ფიქრობს, რომ ახალ საარჩევნო მოდელზე საკონსტიტუციო ცვლილების პროექტი დღეს მესამე მოსმენით დამტკიცდება.

როგორც პოლიტოლოგი PIA.GE-სთან აცხადებს, პროექტის მიღება „ქართული ოცნების“ ინტერესებშია, რადგან ჩავარდნის შემთხვევაში მმართველ პარტიას როგორც საგარეო ურთიერთობებში, ისე ქვეყნის შიგნით პრობლები შეექმნება.

„დიდი ალბათობით ეს პროექტი არ ჩავარდება. ახლა „ქართული ოცნების“ ინტერესებშია ამ პროექტის მიღება. თუ ის ჩავარდება, პირველ რიგში „ქართულ ოცნება“ აღმოჩნდება მძიმე ვითარებაში.

გარდა ამისა, დღეს „ქართული ოცნება“ კი მოუწოდებს ოპოზიციას, კენჭისყრაში მონაწილეობა მიიღონ და ადანაშაულებს კიდეც, რომ მათ პროექტის ჩაგდება უნდათ. ოპოზიცია მონაწილეობას რომ არ იღებს, ჩემი აზრით, მათი მხრიდან მცდარი პოზიციაა. „ქართული ოცნება“ ამ თემასაც თავის სასარგებლოდ გამოიყენებს არჩევნებში, როგორც ქვეყნის შიგნით, ისე საერთაშორისო წრეებთან ურთიერთობით“, - აღნიშნა ვახტანგ ძაბირაძემ.

რა იცვლება პროექტის მიღებით? - ვახტანგ ძაბირაძე ამბობს, რომ პარლამენტი იქნება ჭრელი, ასევე მძიმეც, თუმცა ქუჩა დაიცლება პოლიტიკოსებისგან.

„ვფიქრობ, საკმაოდ საინტერესო ცვლილებები გვექნება, თუმცა, რომ გითხრათ, ამ ცვლილებების შემდეგ, მომენტალურად რაღაც ჩამოყალიბდება, ვგულისხმობ ოპოზიციას, ხელისუფლება უკვე ჩამოყალიბებულია, ასე არ მოხდება და პროცესი საკმაოდ გაიწელება. 1%-იანი ბარიერი ნებისმიერ პოლიტიკურ ძალას საშუალებას აძლევს, დამოუკიდებლად იყაროს კენჭი, შესაბამისად, ველოდები, რომ პარლამენტი იქნება მრავალპარტიული და საკმაოდ ჭრელი, მაგრამ, ასეთი საკანონმდებლო ორგანო მეორეს მხრივ იმას გააკეთებს, რომ ქუჩას დაცლის პოლიტიკოსებისგან, ანუ ოპოზიცია ქუჩაში ფაქტობრივად არ დარჩება, ყველა გადავა პარლამენტში. მძიმე პარლამენტი იქნება, სხვადასხვა მისწრაფებებით და გაქანებებით, მაგრამ, ჯობია პარლამენტი იყოს ჭრელი, ვიდრე ქუჩაში იდგეს ოპოზიცია. ვფიქრობ, კარგი საშუალებაა, ზოგადად პოლიტიკური სპექტრისთვის და ცალკე პოლიტიკური ლიდერებისთვის, რომ სცადონ ბედი და მიიღონ დამოუკიდებლად მონაწილეობა არჩევნებში. ეს, რა თქმა უნდა, ბლოკების არსებობას არ გამორიცხავს“, - განაცხადა პოლიტოლოგმა ვახტანგ ძაბირაძემ.

ახალ საარჩევნო მოდელზე საკონსტიტუციო ცვლილების პროექტს პარლამენტმა მესამე მოსმენით კენჭი დღეს უნდა უყაროს. იმ შემთხვევაში თუ პროექტი საბოლოოდ დამტკიცდება, 2020 წლის საპარლამენტო არჩევნები 120/30-ზე მოდელით და 1%-იანი ბარიერით ჩატარდება. 120/30-ზე მოდელი გულისხმობს, რომ პარლამენტში პროპორციული სიით 120 დეპუტატი შევა, მაჟორიტარი კი 30 იქნება.

გიორგი შაქარაშვილის ბიძა

მირიან ნიკოლაძე: გიორგი შაქარაშვილი მოკლ...

„ექსპერტიზის დასკვნით, ცალსახადაა დადასტურებული, რომ გიორგი შაქარაშვილი მოკლეს -...
„ვისოლი“ და „უნიქარდი“ თანამშრომლობის 10 წლის იუბილეს აღნიშნავენ და ერთგულებისათვის ჯილდოდ მომხმარებ...
17:38
საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) ორგანიზებით სემ...
17:11
ხობში, ჭალადიდის მიმდებარედ, ცენტრალურ საავტომობილო გზაზე ავტოსაგზაო შემთხვევა მოხდა, რის შედეგადაც...
16:59
დაავადებათა კონტროლის ეროვნული ცენტრის გადამდებ დაავადებათა დეპარტამენტის ხელმძღვანელის ხათუნა ზახაშ...
16:38
თსუ-ს კორპუსის რემონტი თსუ ოთარ ჯაფარიძის გარდაცვალების გამო მწუხარე...
ივანე ჯავახიშვილის სახელობის თბილისის სახელმწიფო უნივერსიტეტი და ჰუმანიტარულ მეცნიერებათა ფაკულტეტი...
კახა ბექაური: თამამად შემიძლია გითხრათ,...
„2012 წლის შემდეგ, საკანონმდებლო ჩარჩოში არანაირი რეგულაცია არ არის, რომელიც შეი...
კუჭავა: სპეკულაციაა, რომ საქართველოს სან...
„სპეკულაცია, რომ დღეს საქართველოს სანქცია დაუწესდა და უკვე გადაწყვეტილება არის მ...
დიდ დიღომში მე-6 სართულიდან გადავარდნილი...
თბილისში დიდ დიღომში საცხოვრებელი კორპუსის მე-6 სართულდან გადავარდნილი ბავშვის ჯ...