საქართველოს პრეზიდენტი სალომე ზურაბიშვილი Twitter-ის პირად გვერდზე საფრანგეთის ქალაქ ნიცაში მომხდარ ტერაქტს გამოეხმაურა.
„ვგმობ ამ სიძულვილზე დაფუძნებულ თავდასხმას. ვლოცულობ დაშავებულთათვის და ვუსამძიმრებ დაღუპულთა ოჯახებსა და ახლობლებს“, - წერს სალომე ზურაბიშვილი.
ინფორმაციისთვის, საფრანგეთის ქალაქ ნიცაში დანით შეიარაღებული პირი ნოტრ-დამის ეკლესიაში მყოფ პირებს თავს დაესხა. მან სამი ადამიანი მოკლა და რამდენიმე დაჭრა.