ზალკალიანი: პომპეოს მოადგილის დარჩენა მანამდეც იყო გათვალისწინებული
1605701943
საგარეო საქმეთა მინისტრი დავით ზალკალიანი მაიკ პომპეოს მოადგილის საქართველოში დარჩენასა და ოპოზიციასთან დაგეგმილ შეხვედრას გამოეხმაურა.
როგორც დავით ზალკალიანმა აღნიშნა, ფაქტი, რომ სახელმწიფო მდივნის მოადგილე ხვდება ოპოზიციას, კარგია.
„უნდა აღინიშნოს, რომ სახელმწიფო მდივნის მოადგილის დარჩენა მანამდეც იყო გათვალისწინებული. ჩვენ ვიცოდით, რომ პომპეო მდივანთან ერთად ჩამოვიდოდა და ხვალ გამთენიისას დაბრუნდება უკან.
მივესალმები იმ ფაქტს, რომ ოპოზიციას ექნება შესაძლებლობა, ჩვენს სტრატეგიულ პარტნიორთან აშშ-ის სახელმწიფო მდივნის მოადგილესთან შეხვედრა გამართოს.
ეს იქნება შესაძლებლობა, რომ მათ თავად მოისმინონ ჩვენი მთავარი სტრატეგიული პარტნიორის პოზიცია და ეჭვი არ მეპარება რომ ისინი თავის სათქმელსაც გააჟღერებენ“, - აღნიშნა დავით ზალკალიანმა.
მისი თქმით, მთავარი სტრატეგიული პარტნიორის გზავნილი არის ის, რომ ოპოზიცია შევიდეს პარლამენტში და იქ ისაუბროს არსებულ პრობლემებზე.
„ერთადერთი ორგანო, სადაც ჯანსაღი დებატები უნდა მიმდინარეობდეს პარლამენტია. დარწმუნებული ვარ, რომ ამ შეხვედრაზე ეს გზავნილი ჩვენი მთავარი პარტნიორის მხრიდან კიდევ გაჟღერდება ძალიან მკაფიოდ“, - დასძინა ზალკალიანმა სატელევიზიო ეთერში.
📌 სახელმწიფო მდივანი საქართველოში გუშინ, 17 ნოემბერს ჩამოვიდა.
📌 მაიკ პომპეომ საქართველოში ვიზიტის ფარგლებში შეხვედრა გამართა საქართველოს პრეზიდენტთან, პრემიერ-მინისტრთან, კათოლიკოს-პატრიარქთან და არასამთავრობო ორგანიზაციებთან.
📌 ამერიკის შეერთებული შტატების სახელმწიფო მდივანმა საქართველო უკვე დატოვა.
აგრეთვე, დაგაინტერესებთ:
👉 პომპეო პრეზიდენტთან და პრემიერთან შეხვედრას „ტვიტერში“ გამოეხმაურა
👉 მაიკ პომპეო არასამთავრობო ორგანიზაციების წარმომადგენლებს შეხვდა
