ამერიკელი გენერალი, აშშ-ის ევროპული ჯარების ყოფილი მეთაური, ბენ ჰოჯესი საქართველოში აშშ-ს თავდაცვის მდივნის ვიზიტს „ტვიტერში“ ეხმაურება.
მისი თქმით, აშშ-ის თავდაცვის მდივნის საქართველოში, უკრაინაში და რუმინეთში ვიზიტი აშშ-ის შავი ზღვის რაიონში ინტერესის აშკარა სიგნალია.
„ეს არის დიდებული შესანიშნავი ახალი ამბავი, თავდაცვის მდივნის ვიზიტი საქართველოში, უკრაინაში და რუმინეთში არის აშკარა სიგნალი, რომ აშშ-ს შავი ზღვის რაიონის მიმართ ინტერესი აქვს“, - წერს ბენ ჰოჯესი.
შეგახსენებთ, აშშ-ის თავდაცვის მდივანი უკვე საქართველოშია.
ქართველი და ამერიკელი კოლეგები ორმხრივ შეხვედრას გამართავენ, სადაც აშშ-სა და საქართველოს შორის თავდაცვის სფეროში თანამშრომლობის საკითხებს განიხილავენ.
ვიზიტის ფარგლებში ლოიდ ოსტინი შეხვედრას გამართავს პრემიერ-მინისტრ ირაკლი ღარიბაშვილთან და თავდაცვის მინისტრთან.
აგრეთვე წაიკითხეთ 👇