დიდ ქალაქებში ღამის საათებში გადაადგილება შეიზღუდება
1604743742
უწყებათაშორისი საკოორდინაციო საბჭოს გადაწყვეტილებით, 9 ნოემბრიდან დიდ ქალაქებში - თბილისი, ქუთაისი, ბათუმი, რუსთავი, ზუგდიდი, გორი, ფოთი - 22:00 საათიდან 05:00 საათამდე იზღუდება გადაადგილება, როგორც ქვეითად, ისე - სატრანსპორტო საშუალებებით. ამის შესახებ ინფორმაციას მთავრობის ადმინისტრაცია ავრცელებს.
მათი ცნობით, ეს შეზღუდვა არ გავრცელდება შემდეგი მიმართულებით:
🔲 საერთაშორისო სატვირთო გადაზიდვებზე
🔲 ოპერაციულ შტაბთან შეთანხმებით, იმ პირებსა და ავტოსატრანსპორტო საშუალებებზე, რომელთა გადაადგილება კრიტიკულად აუცილებელია სამსახურებრივი მოვალეობის შესასრულებლად, მათ შორის სამედიცინო და ფარმაცევტული დანიშნულების, სტრატეგიული მნიშვნელობის ობიექტებისა და მედიის წარმომადგენლებზე და მიტანის სერვისის კურიერებზე.
მთავრობის ადმინისტრაციის ინფორმაციით, ყველა ორგანიზაცია იმუშავებს 22:00 საათამდე, გარდა სამედიცინო და ფარმაცევტული დანიშნულებისა და სტრატეგიული მნიშვნელობის ობიექტებისა.
აგრეთვე წაიკითხეთ: 👇
🔴 დიდ ქალაქებში მუნიციპალურ ტრანსპორტში ადამიანების რაოდენობას შეამცირებენ
🔴 გამყრელიძე: ნოემბრის მეორე ნახევარი მძიმე იქნება
