„მიზანი მიღწეულია“ - მდუმარე აქცია დასრულდა
1605689958
„დღეს იყო მდუმარე, მაგრამ ამავე დროს ყველაზე ხმამაღალი აქცია. ჩვენი მდუმარებით მთელ მსოფლიოს გავაგებინეთ, რა მძიმე ვითარებაში იმყოფება დღეს ქვეყანა“, - ამის შესახებ „ნაციონალური მოძრაობის“ წევრმა ზაალ უდუმაშვილმა რუსთაველის გამზირზე, პარლამენტის შენობასთან განაცხადა.
ოპოზიციის მიერ ორგანიზებული მდუმარე აქცია დასრულდა.
როგორც „ევროპული საქართველოს“ ერთ-ერთმა ლიდერმა დავით ბაქრაძემ აღნიშნა, ოპოზიციის დღევანდელი ამოცანა შესრულდა.
„მიზანი მიღწეულია, შევხვდებით მომავალ აქციაზე“, - აღნიშნა დავით ბაქრაძემ.
გაერთიანებული ოპოზიცია და მათი მხარდამჭერები აშშ-ის სახელმწიფო მდივანს მაიკ პომპეოს მდუმარე აქციით დახვდნენ.
მათ 2020 წლის საპარლამენტო არჩევნების შედეგები გააპროტესტეს. აქციაზე ჰქონდათ სტიკერები და ტრანსფარანტები წარწერით - „გაყალბებულია“.
ინფორმაციისთვის, ამერიკის სახელმწიფო მდივანი 17 ნოემბერს საქართველოს ორ დღიანი ვიზიტით ეწვია. პომპეოს თბილისის საერთაშორისო აეროპორტში საქართველოს საგარეო საქმეთა მინისტრი, უწყების წარმომადგენლები და საქართველოში ამერიკის ელჩი დახვდა.
აგრეთვე წაიკითხეთ: 👇
🔴 დავით ზალკალიანი: ამერიკა საქართველოს შიდა საქმეებში ვერ ჩაერევა
🔴 გახარია მაიკ პომპეოს: ჩვენი თანამშრომლობისა და პარტნიორობის გაძლიერების მომენტი დადგა
🔴 პომპეო გახარიას: ვმუშაობთ თემებზე, რომლებიც თქვენი ქვეყნის ოკუპაციას უკავშირდება
