მანგლისისა და თეთრიწყაროს მიტროპოლიტის მეუფე ანანიას განცხადებით, მისი აზრით, კორონავირუსის ვაქცინის გაკეთება აუცილებელია.
„მე მიმაჩნია, რომ ვაქცინაცია საჭირო და აუცილებელია. აუცილებლად გავიკეთებ, ველოდები, სად არის ვაქცინა? მოაღწიოს ჩვენამდე და გავიკეთებ“, - აღნიშნა მეუფემ ჟურნალისტებთან.
როგორც ცნობილია, წმინდა სინოდის წევრებში ვაქცინაციასთან დაკავშირებით აზრთა სხვადასხვაობაა, თუმცა საპატრიარქომ გამოაქვეყნა განცხადება, რომლის მიხედვითაც მართლმადიდებლური ეკლესია ვაქცინის გაკეთება/არ გაკეთებას პირადი თავისუფლებისა და არჩევანის საკითხად მიიჩნევს.
შეგახსენებთ, რომ 16 მარტს პრესკონფერენციაზე დაავადებათა კონტროლის ეროვნული ცენტრის დირექტორმა ამირან გამყრელიძემ ეკლესიას ვაქცინაციის შესახებ საინფორმაციო კამპანიის წარმოებაში დახმარება სთხოვა.
აგრეთვე წაიკითხეთ:
„ეკლესია პასუხისმგებლობას ვერ აიღებს ვაქცინაციის პროპაგანდასთან მიმართებაში“- ანდრია ჯაღმაიძე
„ვაქცინაცია ნებისმიერი ადამიანის პირადი და თავისუფალი არჩევანია“ - საპატრიარქო
ლევან აბაშიძე: მე რომ სასულიერო პირი ვიყო, საჯაროდ ავიცრებოდი, მაგრამ სხვას ამას ვერ ვურჩევ