უკრაინის ყოფილი პრემიერ-მინისტრი იულია ტიმოშენკო კორონავირუსისგან გამოჯანმრთელდა. ამის შესახებ მისმა პრესმდივანმა მარინა სოროკამ განაცხადა, იუწყება UNIAN.
„იულია ვლადიმიროვნამ ახლახანს მიიღო უარყოფითი ტესტის შედეგი COVID19–ზე. კორონავირუსი დაძლეულია ”, - აღნიშნა სოროკამ.
მისივე თქმით, ტიმოშენკო თავს ბევრად უკეთესად გრძნობს.
„მას პნევმონია რჩება, მაგრამ მკურნალობა კარგად მიმდინარეობს და ტიმოშენკო ჩვეულ ცხოვრებასა და მუშაობას მალე დაუბრუნდება ”, - განაცხადა სპიკერმა.
ინფორმაციისთვის, 23 აგვისტოს ცნობილი გახდა, რომ ტიმოშენკომ, მისმა ქალიშვილმა და სიძემ კორონავირუსზე კვლევის დადებითი პასუხი მიიღეს.