„მედუზას“ ცნობით, რუსეთში საპროტესტო აქციების 2 500-ზე მეტი მონაწილე დააკავეს

მანიფესტანტებმა ოპოზიციონერ ალექსეი ნავალანისა და სხვა პოლიტპატიმრების გათავისუფლება მოითხოვეს. მათ ქვეყნის პრეზიდენტი ვლადიმერ პუტინი კორუფციაში დაადანაშაულეს და მისი გადადგომა მოითხოვეს. ინფორმაციას რუსული საინფორმაციო სააგენტო „მედუზა“ ავრცელებს.

მოსკოვში აქციაზე მისვლამდე პოლიციამ დააკავა ალექსეი ნავალნის მეუღლე, თუმცა ის მოგვიანებით გაათავისუფლეს.

ალექსეი ნავალნი რუსეთში 17 იანვარს დაბრუნდა. ის აეროპორტში დააკავეს. ამჟამად ის მოსკოვის წინასწარი დაკავების იზოლატორში იმყოფება.

ცნობისთვის, მოსკოვში და რუსეთის სხვა ქალაქებში რუსი ოპოზიციონერის ალექსეი ნავალნის მომხრეების საპროტესტო აქციები მიმდინარეობდა. აქციის მონაწილეები ნავალნის გათავისუფლებას მოითხოვენ. „ძირს მეფე, პუტინი დამნაშავეა, თავისუფლება ნავალნის“ - სკანდირებენ მსვლელობის მონაწილეები.

იხილეთ აგრეთვე:

❗რუსეთში აქციაზე ბავშვი დააკავეს (ვიდეო)

❗ნავალნის მხარდამჭერთა აქციის მონაწილეთა დაკავებას ჩხუბი მოჰყვა (ვიდეო)

❗„პუტინი დამნაშავეა, თავისუფლება ნავალნის“ - რუსეთში საპროტესტო აქციები დაიწყო (ვიდეო)