მიანმარში საპროტესტო აქციის დარბევისას 18 ადამიანი მოკლეს (ვიდეო)
1614579874
მაინმარში საპროტესტო აქციის მონაწილეთა წინააღმდეგ პოლიციამ საბრძოლო იარაღი გამოიყენა. შედეგად 18 ადამიანი დაიღუპა და 30 დაიჭრა. ამის შესახებ Reuters იუწყება.
საპროტესტო აქციები ქალაქ იანგონში, ტავოიში და მანდალაიში გაიმართა. საბრძოლო ტყვიების გარდა, პოლიციელებმა ცრემლსადენი გაზი და რეზინის ტყვიები გამოიყენეს.
საპროტესტო აქციის მონაწილეები სამხედრო გადატრიალებას აპროტესტებენ, რომელიც მიანმარში 1-ელ თებერვალს მოხდა. სამხედროებმა ქვეყნის მმართველი აუნ სა სუ ჩი დააკავეს. ხუნტის წარმომადგენლებმა განაცხადეს, რომ ახალ საპარლამენტო არჩევნებს ჩაატარებენ, ვინაიდან წინა არჩევნები, მათი განცხადებით, გაყალბებული იყო. მიუხედავად ამისა, მოსახლეობას სამხედროების არ სჯერა და საპროტესტო აქციებს განაგრძობს.
იხილეთ აგრეთვე:
🔅 მიანმარში დემონსტრანტებსა და პოლიციას შორის შეტაკებას ერთი ადამიანი ემსხვერპლა
🔅 მიანმარში საპროტესტო აქციებში ასიათასობით ადამიანი მონაწილეობს (ვიდეო)
