დონალდ ტრამპი კაპიტოლიუმში შეჭრილ მხარდამჭერებს სიმშვიდისკენ მოუწოდებს.
„გთხოვთ, მხარი დაუჭიროთ კაპიტოლიუმის პოლიციას და სამართალდამცველებს. ისინი ჩვენი ქვეყნის მხარეზე არიან. იყავით მშვიდად!“,- წერს „ტვიტერში“ ტრამპი.
ინფორმაციისთვის, კონგრესის შენობაში სხდომა მიმდინარეობდა, სადაც საპრეზიდენტო არჩევნების შედეგები უნდა დაემტკიცებინათ. სხდომა მას შემდეგ შეჩერდა, რაც ტრამპის მხარდამჭერები კაპიტოლიუმში შეიჭრნენ.
ცნობისთვის, აშშ-ში საპრეზიდენტო არჩევნები 3 ნოემბერს გაიმართა. მასში „დემოკრატიული პარტიის“ კანდიდატმა ჯო ბაიდენმა გაიმარჯვა. ბაიდენმა ამომრჩეველთა კოლეგიის 306 ხმა მიიღო, ტრამპმა - 232 ხმა.
დონალდ ტრამპმა და მისმა იურისტებმა რამდენიმე შტატში არჩევნების შედეგები გაასაჩივრეს. ამის შემდეგ ჯორჯიის შტატში ამომრჩეველთა ხმების ხელახალი დათვლა მოხდა, თუმცა არჩევნების შედეგებზე ამას არ უმოქმედია.
აგრეთვე წაიკითხეთ: