ტრამპის მომხრეები კონგრესის შენობაში შეიჭრნენ
1609963456
დონალდ ტრამპის მომხრეები კაპიტოლიუმში შეიჭრნენ. ამის შესახებ CNN წერს.
კონგრესში მიმდინარე სხდომა შეჩერდა. როგორც CNN იუწყება, ვაშინგტონში, კაპიტოლიუმის შენობიდან ვიცე-პრეზიდენტის, მაიკ პენსის ევაკუაცია განხორციელდა, სადაც მან სპეციალური სხდომა გახსნა.
შენობაში არსებული საფრთხის გამო, სენატორები და ჟურნალისტები მიწისქვეშა გვირაბებით გადაადგილდებიან.
ცნობისთვის, აშშ-ში საპრეზიდენტო არჩევნები 3 ნოემბერს გაიმართა. მასში „დემოკრატიული პარტიის“ კანდიდატმა ჯო ბაიდენმა გაიმარჯვა. ბაიდენმა ამომრჩეველთა კოლეგიის 306 ხმა მიიღო, ტრამპმა - 232 ხმა.
დონალდ ტრამპმა და მისმა იურისტებმა რამდენიმე შტატში არჩევნების შედეგები გაასაჩივრეს. ამის შემდეგ ჯორჯიის შტატში ამომრჩეველთა ხმების ხელახალი დათვლა მოხდა, თუმცა არჩევნების შედეგებზე ამას არ უმოქმედია.
აგრეთვე წაიკითხეთ:
🔴„შეაჩერე მოპარვა!“ - 6 იანვარს ტრამპის მომხრეები არჩევნების შედეგებს გააპროტესტებენ
🔴 აშშ-ის ამომრჩეველთა კოლეგიამ ჯო ბაიდენის გამარჯვება დაამტკიცა
