თურქეთში ტერორიზმში ეჭვმიტანილი 51 ადამიანი დააკავეს
1610622215
თურქეთის იზმირის პროვინციაში სპეცოპერაციის შედეგად ტერორიზმში ეჭვმიტანილი 51 პირი დააკავეს. ამის შესახებ „ანადოლუ“ იუწყება.
დაკავებულებს მემარცხენე ტერორისტულ დაჯგუფებებთან კავშირი ედებათ ბრალად. დაკავებულთა შორის იზმირის პროვინციის ყოფილი ხელმძღვანელი, ორი ადვოკატი და მუნიციპალიტეტის ოთხი თანამშრომელია.
ოპერაციის დროს პოლიციამ ტერორიზმში ეჭვმიტანილთა ციფრული მასალები, დოკუმენტები და 50 000 თურქული ლირა (6750 აშშ დოლარი) ამოიღეს.
იზმირის პოლიციის უფროსმა ჰუსეინ ასკინმა განაცხადა, რომ ასეთი სპეცოპერაციები გაგრძელდება, რადგანაც დაჯგუფების წევრთა ნაწილმა მიმალვა მოახერხა. მისი თქმით, დაკავებულები და მათი თანამოაზრეები თურქეთის ტერიტორიაზე განხორციელებულ არაერთ ტერორისტულ თავდასხმასთან არიან დაკავშირებულები.
იხილეთ აგრეთვე:
