„გრიპის და კორონავირუსის ერთმანეთზე თანდართვა იქნება ძალიან დიდი დარტყმა“ - ეპიდემიოლოგები
1634539856
ეპიდემიოლოგებმა ოთარ ჩოკოშვილმა და ალექსანდრე გოგინავამ „რუსთავი 2-ის“ ეთერში ვაქცინაციის მნიშვნელობაზე და გაუარესებულ ეპიდემიოლოგიურ სიტუაციაზე ისაუბრეს.
ეპიდემიოლოგების თქმით, თუ ვაქცინაციის ტემპი ქვეყანაში არ გაიზრდება, მეხუთე ტალღა მძიმე იქნება.
„ამ ეტაპზე, ძალიან მნიშვნელოვანია, რომ ჩვენი მოსახლეობა უფრო აქტიურად ჩაერთოს ვაქცინაციის პროცესში და ჩვენ მივიტანოთ მათთან ის მთავარი მესიჯი, რომ ვაქცინა წარმოადგენს ყველაზე ეფექტურ და მნიშვნელოვან ბრძოლის საშუალებას.
ვთხოვ მოსახლეობას, ჩაერთონ ამ პროცესში, იმიტომ, რომ განსაკუთრებით მნიშვნელოვანია ისიც, რომ არის შემოდგომა, როდესაც აქტიურდება სხვა რესპირატორული ინფექციები, მათ შორის, გრიპი და ამ ორი საკმაოდ მძიმე რესპირატორული ინფექციის ერთმანეთზე თანდართვა იქნება ძალიან დიდი დარტყმა“, - აცხადებს ალექსანდრე გოგინავა.
ვაქცინაციის ტემპის მნიშვნელობაზე და გაუარესებულ ეპიდსიტუაციაზე, ასევე, ისაუბრა ეპიდემიოლოგმა ოთარ ჩოკოშვილმა.
მისი თქმით, თუ გვინდა, აპარატზე შეერთებული მძიმე პაციენტები არ გვყავდეს, ვაქცინაციის ტემპის მომატება მნიშვნელოვანია.
„სწორედ იმისთვის, რომ მნიშვნელოვანი ეფექტი მოგვცეს, კარგ შედეგს მივაღწიოთ, არ გვქონდეს მაღალი სიკვდილიანობა და აპარატზე შეერთებული მძიმე პაციენტები არ გვყავდეს, ძალიან მნიშვნელოვანია დროული ვაქცინაცია. ჯერ კიდევ არის დრო, სანამ ტალღა მაქსიმალურ პიკს მიაღწევს და შემთხვევები მოიმატებს ქვეყანაში, დამძიმდება ეპიდსიტუაცია კიდე უფრო, მაქსიმალურად ავიცრათ და როგორმე მივაღწიოთ იმ სამიზნე ჯგუფს რითაც ჩვენ შეგვიძლია ქვეყანაში დაავადების შედარებით უფრო მეტად გაკონტროლება“, - განაცხადა ეპიდემიოლოგმა ოთარ ჩოკოშვილმა.
აგრეთვე წაიკითხეთ: 👇
👉 გაართულებს თუ არა რეგულაციების მოხსნა ეპიდემიოლოგიურ სიტუაციას? - ეპიდემიოლოგების განმარტება
👉 „რამდენიმე დღეა ეპიდემიოლოგიური სიტუაცია გაუარესებულია“ - ინფექციონისტი
👉 ორი ვირუსი ერთდროულად სიკვდილის რისკს აორმაგებს - ჯენი ჰარისი
👉 „შესაძლებელია, ეს მეხუთე ტალღის დასაწყისი იყოს“ - თენგიზ ცერცვაძე ეპიდვითარებაზე
