COVID-19

„ფაიზერის“ ვაქცინა გულ-სისხლძარღვთა დაავადებების რისკს 75 წელს გადაცილებულ ადამიანებში არ ზრდის

ვაქცინა
1626716022
დაკოპირებულია

ჩატარებული კვლევის თანახმად, „ფაიზერის“ ვაქცინა გულ-სისხლძარღვთა სერიოზული პრობლემების რისკს არ ზრდის, - ამის შესახებ ინფორმაციას bfmt ავრცელებს.

კვლევის თანახმად, ვაქცინაცია 75 წელზე უფროსი ასაკის ადამიანებში 87%-ით ამცირებს კოვიდ 19-ის მძიმე ფორმების რისკს.

„Pfizer/BioNTech–ის Covid-19 ვაქცინა არ ზრდის სერიოზული გულ-სისხლძარღვთა პრობლემების რისკს (გულის შეტევა, ინსულტი ან ფილტვის ემბოლია) 75 წელს გადაცილებულ ადამიანებში“ - ნათქვამია ოფიციალურ ფრანგულ კვლევაში.

მკვლევარებმა გაითვალისწინეს ჰოსპიტალიზაციის ყველა შემთხვევა, რომელიც საფრანგეთში დაფიქსირდა გულის შეტევებით, პარალიზებით და ფილტვის ემბოლიებით, 2020 წლის დეკემბრიდან 2021 წლის მარტამდე 75 წელს გადაცილებულ, ვაქცინირებულ და არა ვაქცინირებულებში .

მათ შეადარეს გულ-სისხლძარღვთა ამ პრობლემების წარმოქმნა სხვადასხვა დროს: ვაქცინის პირველი და მეორე დოზების მიღებიდან 14 დღის პერიოდი რისკად ითვლებოდა, ხოლო დანარჩენი - საკონტროლო პერიოდებად.

„საერთო ჯამში, მიოკარდიუმის ინფარქტის, იშემიური ინსულტის, ჰემორაგიული ინსულტის ან ფილტვის ემბოლიის ჰოსპიტალიზაციის შემთხვევების სიხშირე 75 წელს გადაცილებულ პირებში მნიშვნელოვნად არ განსხვავდება სხვადასხვა პერიოდის მაჩვენებლებისგან“, - ნათქვამია კვლევაში.

საქართველოში ბოლო 24 საათის განმავლობაში კოვიდინფიცირების 848 ახალი შემთხვევა დადასტურდა

ქვეყანაში კოვიდ 19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 388 329-ს.

ბოლო 24 საათში ვირუსისგან გამოჯანმრთელდა 1 231 პირი, ხოლო ჯამში გამოჯანმრთელებულთა რაოდენობა გაიზარდა 366 250-მდე.

ბოლო 24 საათში კორონავირუსით გარდაცვალების 15 ახალი შემთხვევა დაფიქსირდა. პანდემიის გავრცელებიდან დღემდე ვირუსს ჯამში 5 566 პირი ემსხვერპლა.