უკრაინაში ომი გლობალური პრობლემაა - ჯო ბაიდენი
1653374075
აშშ-ის პრეზიდენტმა ჯო ბაიდენმა განაცხადა, რომ უკრაინის ომი გლობალური პრობლემაა და არა რეგიონული.
„ომი უკრაინაში უფრო მეტია, ვიდრე მხოლოდ ევროპული საკითხი, ეს არის გლობალური საკითხი“, - განაცხადა ბაიდენმა.
მისი თქმით, რუსეთის შეტევა უკრაინაზე მხოლოდ ზრდის საერთაშორისო წესრიგის, ტერიტორიული მთლიანობისა და სუვერენიტეტის ფუნდამენტური პრინციპების მნიშვნელობას.
„უკრაინაში რუსეთის სასტიკმა და არაპროვოცირებულმა ომმა ჰუმანიტარული კატასტროფა გამოიწვია, ქუჩებში უდანაშაულო ადამიანები დახოცეს, მილიონობით ლტოლვილი იძულებით გადაადგილებული ან გადასახლებულია“, - აღნიშნა ბაიდენმა.
აშშ-ის პრეზიდენტის თქმით, რუსეთის პრეზიდენტი ვლადიმერ პუტინი ცდილობს კულტურის განადგურებას და დასძენს, რომ რუსეთის სამიზნეს უკრაინაში სკოლები, ეკლესიები და მუზეუმები წარმოადგენს.
აგრეთვე წაიკითხეთ:
👉 სლავიანკის მიმართულებით მტრის ქვედანაყოფები შეტევის განახლებისთვის ემზადებიან - უკრაინის გენშტაბი
👉 ომის შესწავლის ამერიკულმა ინსტიტუტმა დაასახელა რუსული ჯარების სამიზნე დონეცკის ოლქში
👉 უკრაინის არმია საბრძოლო შესაძლებლობების პიკს აღწევს - არესტოვიჩი
