„ანტიკორუფციული მოძრაობის“ წევრი, ლაშა ფარულავა აცხადებს, რომ „ნაციონალური მოძრაობის“ თავმჯდომარეობის არჩევნებში ლევან ხაბეიშვილი გაიმარჯვებს.
ფარულავას თქმით, ციფრებში ხაბეიშვილის მხარდაჭერა 30 000 გულშემატკივარს შეადგენს.
„ჩვენ 30 იანვარს, ჩვენს 30 ათას მხარდამჭერთან ერთად, მივიღებთ იმ შედეგს, რაც უნდა მივიღოთ, ეს არის პირველ ტურში გამარჯვება. ჩვენი შტაბიდან ინფორმაცია გვაქვს, რომ პირველივე ტურში დიდი მხარდაჭერით გავიმარჯვებთ. ეს ეფუძნება კონკრეტულ შრომას, ეს ეფუძნება წინასაარჩევნო აქტივობას, რომელმაც უზრუნველყო ლევან ხაბეიშვილის მხარდაჭერა. ეს მხარდაჭერა ციფრებში არის 30 ათასი გულშემატკივარი“, - აღნიშნა ფარულავამ.
ცნობისთვის, დღეს, 28 იანვარს „ნაციონალური მოძრაობის“ თავმჯდომარის არჩევნები დაიწყო, შედეგები კი 30 იანვარს, 12:00 საათზე გახდება ცნობილი. სასურველი კანდიდატის ასარჩევად 49 756 ადამიანი დარეგისტრირდა.
ასევე დაგაინტერესებთ:
👉 „უპირობოდ, ნიკა მელია გაიმარჯვებს ამ არჩევნებში“ - სოფო ჯაფარიძე