ამირან გამყრელიძე: სჯობს გარკვეული პერიოდი დაველოდოთ მეორე ავტობუსს, ვიდრე გადავსებულ ავტობუსში ავიდეთ
1612451221
„ყველამ უნდა ვატაროთ პირბადე. ხალხი ბრაზდება, მაგრამ მოგიწოდებთ, რომ ჩვენ კიდევ ერთი წელი ან ცოტა მეტი პირბადის ტარება დაგვჭირდება.
გარკვეული უხერხულობა არის, მაგრამ ვიდრე მოსახლეობის 70% არ აიცრება, ვიდრე არ დამტკიცდება რომელიმე ძალიან ეფექტური წამალი, პირბადე, ხელების დაბანა, დისტანცია და სხვა აუცილებელი იქნება. რამდენადაც ნაწყენი არ უნდა დარჩეთ ჩემზე, ამას უნდა შევეგუოთ, მე მოვალე ვარ, მოსახლეობას სიმართლე ვუთხრა“, – აცხადებს დაავადებათა კონტროლის ეროვნული ცენტრის ხელმძღვანელი ამირან გამყრელიძე.
„თუ დავიცავთ ყველა წესს და 95%-მდე ავიყვანთ პირბადის ტარების მაჩვენებელს, მაშინ აღარ გვექნება მესამე ტალღა. მობილობა გაიზრდება სერიოზულად, ძალიან მნიშვნელოვანია, არ იყოს გადავსებული ავტობუსები, სჯობს, გარკვეული პერიოდი დაველოდოთ მეორე ავტობუსს, ვიდრე ავიდეთ“, – განაცხადა ჟურნალისტებთან ამირან გამყრელიძემ.
ინფორმაციისთვის საქართველოს პრემიერ-მინისტრმა გიორგი გახარიამ მთავრობის დღევანდელ სხდომაზე განაცხადა, რომ ორშაბათიდან, 8 თებერვლიდან საქართველოში სრული მასშტაბით ამოქმედდება მუნიციპალური ტრანსპორტი.
იხილეთ აგრეთვე:
✖️ყველა შეზღუდვა, რაც იხსნება - ჩამონათვალი
✖️რა შეზღუდვები იმოქმედებს მუნიციპალურ ტრანსპორტში? - ირაკლი ხმალაძის განმარტება
