„რაც არ უნდა დაწერონ და თქვან აქ, ჩემთვის მთავარია რომ აღსრულდა სამართლებრივი სახელმწიფოს პრინციპი - კანონზე მაღლა არ დგას არავინ და მის წინაშე ყველა თანასწორია“, - ამ სიტყვებით ეხმაურება ანალიტიკოსი ზაალ ანჯაფარიძე „ნაციონალური მოძრაობის“ ლიდერის ნიკა მელიას დაკავებას.
როგორც ანალიტიკოსი აღნიშნავს, კანონის წინაშე ყველა თანასწორია:
„დააკავეს ნიკანორ მელია, რომელიც დიდი ნაბიჯებით სრულიად შეგნებულად მიდიოდა ასეთი ფინალისკენ. რაც არ უნდა დაწერონ და თქვან აქ, ჩემთვის მთავარია რომ აღსრულდა სამართლებრივი სახელმწიფოს პრინციპი - კანონზე მაღლა არ დგას არავინ და მის წინაშე ყველა თანასწორია“, - აღნიშნავს ანალიტიკოსი.
👉 ინფორმაციისთვის, 23 თებერვალს, 07:30 საათზე „ნაციონალური მოძრაობის“ ცენტრალურ ოფისში სამართალდამცველები გამოჩნდნენ. მათ მალე სპეცრაზმი, სახანძრო და სამაშველო ჯგუფები შეუერთდნენ.
👉 სამართალდამცველებმა მოქალაქეებს მოუწოდეს გაეთავისუფლებინათ პარტიის შენობა, უარის შემდეგ კი შენობაში შევიდნენ. შენობის ალყის შემდეგ საპოლიციო ძალები ყველა სართულზე განლაგდნენ.
👉 სამართალდამცველებმა, დაახლოებით 09:00 საათზე „ნაციონალური მოძრაობის“ ლიდერი ნიკა მელია დააკავეს.
👉 ნიკა მელია რუსთავის მე-12 სასჯელაღსრულების დაწესებულებაში გადაიყვანეს.
აგრეთვე, წაიკითხეთ:
⭕ რას აცხადებს ნიკა მელიას ადვოკატი?
⭕ პრემიერ-მინისტრმა შს მინისტრს მადლობა გადაუხადა
⭕ როგორ მიმართავდა ნიკა მელია სამართალდამცველებს დაკავებამდე - ვიდეო