ოკუპირებული აფხაზეთის საბანკო ბარათის გამოყენება თურქეთში დაუშვეს. საუბარია „აპრა World“-ის საბანკო ბარათებზე. ამის შესახებ apsadgil.info იუწყება.
ამ ინფორმაციის მიხედვით, ბარათის გამოყენება თურქულ ბანკებში «Is Bank» და «Ziraat Bank»-ში იქნება შესაძლებელი. «Is Bank»-ს თურქეთის ტერიტორიაზე 6 500 ბანკომატი და საბანკო ბარათების განაღდების 400 000 ადგილი გააჩნია. «Ziraat Bank»-ის ტერმინალური ქსელი 7 200 ბანკომატს და თანხის განაღდების 500 000 ადგილს მოიცავს.
ამ დროისთვის „აპრა World"-ის საბანკო ბარათები რუსეთის, ბელარუსის, უზბეკეთის, სომხეთის და ახლა უკვე თურქეთის ტერიტორიაზე მოქმედებს.
იხილეთ აგრეთვე:
🔆 ოკუპირებულ აფხაზეთში რუსული ვაქცინით აცრას თებერვალში დაიწყებენ
🔆 „შერიგების შენება ახალგაზრდობასთან ერთად იწყება“ - დიეგო კალასი ოკუპირებულ აფხაზეთზე