დღეიდან თბილისსა და იმერეთში შეზღუდვები ამოქმედდება
1602824855
დღეიდან, 16 ოქტომბრიდან თბილისსა და იმერეთში შეზღუდვები ამოქმედდება.
გუშინ, 15 ოქტომბერს პრემიერ-მინისტრმა გიორგი გახარიამ მთავრობის ადმინისტრაციაში გამართულ ბრიფინგზე განაცხადა, რომ არსებული ეპიდვითარებიდან გამომდინარე გარკვეული შეზღუდვები დაწესდება.
კონკრეტულად კი, დღეიდან თბილისსა და იმერეთში რესტორნებისა და ყველა გასართობი დაწესებულების მუშაობა შეიზღუდება 22:00 საათიდან.
პრემიერის თქმით, ეს გადაწყვეტილება ვირუსის გავრცელების სისწრაფეს შეანელებს, მაგრამ ეს არ არის საკმარისი.
🔴შეგახსენებთ, გუშინ საქართველოში კოვიდინფიცირების ყველაზე მაღალი დღიური მაჩვენებელი, 919 ახალი შემთხვევა დაფიქსირდა.
