თურქეთის პრეზიდენტმა რეჯეფ თაიფ ერდოღანმა ვაშინგტონში 6 იანვარს მომხდარ ინციდენტს „კაცობრიობისთვის შოკი“ უწოდა. ამის შესახებ hurriyetdailynews.com იუწყება.
„აშშ-ში, რომელსაც დემოკრატიის აკვანს უწოდებენ, ეს პროცესი მთელი კაცობრიობისთვის შოკი იყო“ - განაცხადა ერდოღანმა.
მან იმედი გამოთქვა, რომ ჯო ბაიდენისთვის ძალაუფლების გადაცემის პროცესი, რომელიც 20 იანვარს უნდა დასრულდეს, მშვიდად ჩაივლის.
ერდოღანმა ვაშინგტონში დაღუპულთა ნათესავებს მიუსამძიმრა და დაშავებულებს გამოჯანმრთელება უსურვა.
ცნობისთვის, 6 იანვარს დონალდ ტრამპის რამდენიმე ასეული მომხრე კაპიტოლიუმის შენობაში შეიჭრა, სადაც კონგრესის სხდომა მიმდინარეობდა.
ამ სხდომაზე 2020 წლის 3 ნოემბრის საპრეზიდენტო არჩევნების შედეგები დაამტკიცეს. კაპიტოლიუმის დაცვასთან შეტაკების დროს 4 ადამიანი დაიღუპა, ხოლო 50-ზე მეტი დააკავეს. კონგრესის "დემოკრატმა" და "რესპუბლიკელმა" წევრებმა თავდასხმა დაგმეს და მას „გადატრიალების მცდელობა“, „ტერორისტული აქტი“ და „ნაციონალური სირცხვილი“ უწოდეს.
იხილეთ აგრეთვე:
🔅 ბაიდენი: ტრამპი აშშ-ში შიდა ტერორიზმს ხელს უწყობს
🔅 „ბაიდენმა არჩევნები მოიგო და შედეგების შეცვლა წარუმატებელი იქნება“ - კინზინგერი